Djıý-djıtsýdan Qazaqstan quramasy Vetnamǵa Azııa chempıonatyna attandy
ASTANA. QazAqparat - Qazaqstannyń djıý-djıtsýdan ulttyq quramasy Vetnam astanasy Hanoıǵa ketti, onda 11-14 tamyz aralǵynda erler men áıelder arasynda djıý-djıtsý kúresinen Azııa chempıonaty ótedi.
Qazaqstan djıý-djıtsý qaýymdastyǵynyń baspasóz qyzmeti habarlaǵandaı, respýblıkada joǵary reıtıng jınaǵan komandanyń ulttyq qurama djıtserlary álemdik arenada eldiń abyroıyn qorǵaıtyn bolady. Komanda 28 shilde - 10 tamyz aralyǵynda Astanada «Bastaý» sport kesheninde ótken Azııa chempıonatynyń aldynda oqý-jattyǵý jıynyna qatysqan. Jattyǵý aǵa bapkerler - Áshim Qalıdiń QR djıý-djıtsý boıynsha faıtıng-júıesiniń bóliminde jáne Qýat Saǵıetiń nevaza júıesi bóliminde ótedi.
Ulttyq qurama Azııa chempıonatynda barlyq 4 bólimde jarysqa shyǵady: faıtıng-júıe, nevaza-júıe, kombat - júıe, dýo-júıe. Hanoıǵa 32 adam ketti. Azııa chempıonaty Indonezııa astanasy Djakartade 2018 jyly ótetin jazǵy Azııa oıyndary aldynda reıtıngtik chempıonattardyń biri bolmaq.
Azııa elderinen qatysýshylar kóp bolady dep kútilýde. Chempıonattyń kóptegen qatysýshylary - túrli aýqymdaǵy regalııa ıeleri.
