Djıý-djıtsýdan Qazaqstan quramasy Azııa chempıonatyna attandy
ASTANA. QazAqparat - Djıý-djıtsý boıynsha Qazaqstan qurama komandasy Shrı-Lanka elinde ótip jatqan djıý-djıtsý boıynsha birinshi Azııa jaǵajaı Chempıonatyna qatysýda.
Azııa Odaǵy jáne Shrı Lanka eliniń djıý-djıtsý federatsııasy uıymdastyrǵan Djıý-djıtsýdan dodasy Negombo qalasynda 26 shilde men 1 tamyz aralaǵynda ótedi. Sonymen qatar, chempıonat aıasynda Azııa referıleri úshin arnaıy kýrstar ótkiziledi, Qazaqstan Respýblıkasy atynan tóreshiler alqasy tóraǵasynyń orynbasary Aslan Ospanov sol kýrstarǵa katysady.
Erler men áıelder arasynda djıý-djıtsýdyń ne-vaza-sıstem jáne dýo-sıstem degen eki baǵyty boıynsha baq synaıtyn bolady.
Qazaq eliniń atynan Asylbek Orynbaev (salmaǵy 62 kg deıin), Nartaı Kajekov pen Janbolat Zakarın (69 kg deıin), Nurlan Espolov (77 kg deıin) jáne Andreı Gavrılıýk (85 kg deıin) kúresetin bolady. Sportshylarǵa QR Djıý-djıtsý boıynsha negizgi komandanyń aǵa jattyqtyrýshysy Qalı Áshim men QR jastar komandasynyń aǵa jattyqtyrýshysy Bolat Dúısenbıev jetekshilik etedi.
