Djıý-djıtsýdan álemniń jetekshi sheberleri Astanadaǵy forýmda bas qosady
ASTANA. 19 sáýir. QazAqparat - Álemdik sport uıymdarynyń basshylary men jetekshi grand-sheberleriniń qatysýymen Astanada Djıý-djıtsý boıynsha urys óneriniń II Eýrazııalyq forýmy ótedi.
Bul týraly búgin respýblıkalyq Djıý-djıtsý federatsııasynyń birinshi vıtse-prezıdenti, Djıý-djıtsýdyń joǵarǵy sanaty «Hanshy» (8 dan) ıegeri Rýslan Ábdireev málim etti.
Forým 21-22 sáýir kúnderi uıymdastyrylady. Osy maqsatta álemge tanymal grand-sheberler elordaǵa at basyn tireıdi. Olardyń qatarynda Búkiljapondyq djıý-djıtsý federatsııasynyń basshysy, 10-dan ıegeri Alekseı Kýnın, Japonııanyń eńbek sińirgen jattyqtyrýshysy, 10-dan ıegeri ataqty Norı Býnosava, Goshın-dzıýtsý halyqaralyq federatsııasynyń prezıdenti Stıv Barnett, Jaýyngerlik óner alıansynyń prezıdenti Denıel Hvıdberg bar.
R. Ábdireevtiń aıtýynsha, forýmnyń basty taqyryby Qazaqstan Djıý-djıtsý federatsııasynyń Djıý-djıtsý boıynsha Búkiljapondyq halyqaralyq uıymnyń (AJJIF) erejelerine qosylýy bolmaq.
«Sonymen qatar shara barysynda Qazaqstan halyqaralyq uıymdarmen yqpaldastyq pen áriptestikti kúsheıtýge kúsh salyp, respýblıkalyq jáne halyqaralyq jarystardyń biryńǵaı kúntizbesin qurý boıynsha talqylaýlar ótedi», - dep atap kórsetti ol.
Forýmda 2013 jyly djıý-djıtsýdan Álem chempıonatyn Qazaqstanda ótkizý máselesi talqylanady. Sondaı-aq álemdik deńgeıdegi ınstrýktorlardyń qatysýymen Halyqaralyq jattyǵý ortalyǵyn qurý jóninde kelisimder jasalmaq.
