Djıý-djıtsýdan álem chempıonaty: Qazaqstan quramasy úzdik nátıje kórsetti
ASTANA. QazAqparat - Demalys kúnderi Ábý-Dabıde 10-shy mereıtoılyq djıý-djıtsýdan álem chempıonaty - Abu Dhabi World Professional Championship 2018 ótti. Oǵan álemniń júzdegen elinen birneshe myń sportshy qatysty, dep habarlaıdy QazAqparat.
Qazaqstan quramasynyń eresek sportshylary men sportshy-sheberleri (Master 1: 30-35 jas jáne Master 2: 36-40 jas) úzdik nátıje kórsetti.
Qyzylkúreń belbeý dárejesinen Rýslana Israılova (77 kg) kúmis medal ıelense, kók belbeýler arasynan Galına Dývanova (55 kg) kúmis medaldi qanjyǵasyna baılady.
Sheberler dıvızıonynda Renat Sıtnazarov (qońyr belbeý, Master 2) jáne Osmanjan Kasımov (qyzylkúreń belbeý, Master 1) álem chempıony atandy.
Albert Aldııarov (qońyr belbeý, Master 1), ıAdgar Qasymov (qońyr belbeý, Master 1), Aıdar Tóleıbaev (qońyr belbeý, Master 2), Aıdar Mahmetov (qyzylkúreń belbeý, Master 2), Nurlan Sermaǵambetov (qyzylkúreń belbeý, Master 1), Ilshat Osmanov (kók belbeý, Master 1) jáne Davıd Rıashın (kók belbeý, Master 1) álemniń vıtse-chempıony boldy.
Qola júldeni Erjan Tólebaev (kók belbeý, Master 1), Taır Sadyqov (kók belbeý, Master 1) ıelendi.
Kóptegen sheteldik qatysýshylar qazaqstandyq djıý-djıtsý sheberleri deńgeıiniń jyl sanap ósip jatqandyǵyn atap ótti. Mysaly, Qazaqstan quramasynyń jasóspirimder men balalar dárejesinde birneshe altyn, kúmis jáne qola júldelerge ıe boldy.
BAÁ-degi Qazaqstan elshisi Qaırat Lama-Sharıf qazaqstandyq sportshylarǵa qoldaý kórsetti.
