«Djıro» velojarysynda «Astana» komandasynyń kóshbasshylary jaǵdaılaryn nasharlatyp aldy
ASTANA. 23 mamyr. QazAqparat - "Djıro d'Italııa 2012" sýperkópkúndiginiń Faltsese men Kortına-d'Ampetstso qalalary arasynda ótken 17-jarys kúninde reseılik «Katıýsha» komandasynyń kapıtany Hoakın Rodrıges máre syzyǵyn birinshi bolyp kesti.
H. Rodrıges jalpy esepte kóshbasshy ekendigin aıta ketý kerek. Ol 187 shaqyrymǵa sozylǵan kezeńniń basynan aıaǵyna deıin basqa komandalardyń úzdik shabandozdarynyń shabýylyna tótep bere aldy. Tipti kómbege jaqyndaǵan tusta alǵa sýyrylyp shyǵyp, kezeń jeńimpazy atandy.
Ekinshi bolyp Liquigas komandasynyń basty úmiti Ivan Basso máre syzyǵyn qıdy. Jalpy Rodrıgesten 30 sekýndqa qalyp kele jatqan Reıder Hesedal (Garmin-Barracuda) úshinshi oryn aldy.
17-kezeń birneshe taýly qyrattardan turatyn sýperkópkúndiktiń sheshýshi bólikterdiń biri. Mamandar osy týrda jeńgen veloshabandoz jalpy esepte birinshi orynǵa shyǵyp, keıin dodanyń jeńimpazy atanýy múmkindigin aıtqan bolatyn. Alaıda ekinshi deńgeıli taý jolynda «Astana» komandasynyń kóshbasshysy Roman Kroıtsıger óziniń basty qarsylastarynan qalyp qoıdy. Taǵy bir úmitimiz Paolo Tıralongo sońǵy birinshi deńgeıli bıiktikte qarsylastaryn uzatyp aldy. Nátıjesinde «Astananyń» eki kóshbasshysy birinshi altylyqqa eki mınýttan astam ýaqyt ese jiberdi.
Jalpy esep:
1.Hoakım Rodrıges (Ispanııa, Katusha Team) - 74:46:46;
2. Raıder Hesedal (Kanada, Garmin-Barracuda) +0,30;
3. Ivan Basso (Italııa, Liquigas-Cannondale) +1,22;
4. Mıkele Skarponı (Italııa, Lampre-Isd) +1,36;
...
8. Paolo Tıralongo (Italııa, Astana Pro Team) +4,13.
