«Djıro d'Italııa» júldegeri Fabıo Arý Qazaqstanǵa at basyn tiremek
ASTANA. QazAqparat - «Djıro d'Italııa» kópkúndiginiń júldegeri «Astana» veloklýbynyń veloshabandozy ıtalıandyq Fabıo Arý Qazaqstanǵa keledi, dep habarlaıdy velokomandanyń baspasóz qyzmeti.
Arý 19 maýsym kúni Astanada bolady. Veloshabandoz klýbtyń bas demeýshisi - «Samuryq-Qazyna» kompanııasynyń basshylyǵymen, sonymen qatar «Astana» prezıdenttik kásibı sport klýbynyń jetekshilerimen, Qazaqstannyń velosport federatsııasymen, Astanafans múshelerimen kezdesedi dep josparlaýda. Sondaı-aq sportshy qazaqstandyq jas sportshylarǵa sheberlik synyptaryn ótkizedi. 20 maýsymda veloshabandoz Almatyǵa barady.
Eske sala keteıik, «Astana» qazaqstandyq veloklýbynyń múshesi Fabıo Arý «Djıro d'Italııa» kópkúndiginde úshinshi oryn alǵan bolatyn.
