«Djıro d'Italııa» vırtýaldy jarysyna qazaqstandyq eki veloshabandoz qatysady
NUR-SULTAN. QazAqparat - Búgin «Djıro d'Italııa» vırtýaldy jarysynyń besinshi kezeńi ótedi. Oǵan qazaqstandyq «Astana» komandasynan eki veloshabandoz qatysady, dep habarlaıdy QazAqparat Ulttyq olımpıada komıtetine silteme jasap.
Osylaısha, startqa ıAkob Fýlsang pen Ion Isagırre shyǵatyn boldy. Olar velostanokta 30 shaqyrym qashyqtyqty baǵyndyrýy tıis.
Aıta keteıik, birinshi kezeńde qazaqstandyq Alekseı Lýtsenko erekshe kózge túsip, márede úzdik ýaqyt kórsetkishin kórsetken edi.
«Djıro d'Italııa» nemese Italııa týry - jyl saıyn úsh apta boıy mamyrda nemese maýsym aıynyń basynda ótetin uzyn qashyqtyqtaǵy kásipqoı veloshabandozdar jarysy. Ol - Týr de Franstan keıingi álemdegi eń mańyzdy kezeńdik jarystardyń biri. Bıyl koronavırýs pandemııasyna baılanysty jarysty vırtýaldy rejımde ótkizý jóninde sheshim qabyldanǵan bolatyn.
