«Djıro d'Italııa» velojarysynyń 10-kezeńinde brıtandyq Mark Kavendısh jeńimpaz atandy

Qashyqtyǵy 159 shaqyrym bolatyn Termolı men Teramo qalalary arasynda ótken kezeń jazyq trassada bolǵandyqtan reıtıngtegi úlken ózgeristerge alyp kelgen joq. Jalpy esep boıynsha, jarystaǵy eń úzdik ýaqyt áli de bolsa Saxo Bank Sungard komandasynyń namysyn qorǵap júrgen Alberto Kontadordyń enshisinde.

Máre syzyǵyna birer shaqyrym qalǵanda Mark Kavendısh, Alessandro Pettakkı men Frantsısko Ventoso alǵa sýyrylyp shyqty. Degenmen jeńisti brıtandyq ilip áketti.

Búgin, 18 mamyrda bolatyn 11-kezeń Tortoreto men Kastelfıdardo qalalary arasynda ótedi. Onyń qashyqtyǵy 142 shaqyrymdy quraıdy.