Djıro d'Italııa: «Astana» úshtikten shyǵyp qaldy
ASTANA. 18 mamyr. QazAqparat - Keshe «Djıro d'Italııa» sýperkópkúndiginiń 12-kezeńinde Lotto komandasynyń sapynda óner kórsetetin danııalyq sportshy Lars Ittıng Bak jeńiske jetti.
157 shaqyrymǵa sozylǵan Seravetstsa - Sestrı-Levante qalalary arasyndaǵy jarys barysynda, márege shamamen 100 shaqyrym qalǵanda 9 adam pelotonnan qara úzip ketti. Uzaq taktıkalyq qarsylastyq barysynda Lars Bak bárinen myqty bolyp shyqty. Ekinshi oryndy frantsýzdyq Sandı Kasar ıelendi. Úshinshi orynda Andreı Amador Bakkazakov keldi.
«Djırodaǵy» bul jeńis Baktyń mansabyndaǵy alǵashqy jetistigi.
Baktan bólek, uzap ketkenderdiń qatarynda Mıkel Golas ta boldy. Ol taýly qyrattarda birneshe upaı jınap, týrnırdiń kók jeıdesin Mıgel Anhel Rýbıanodan tartyp aldy.
Jalpy esepte reseılik «Katıýsha» klýbynyń kóshbasshysy ıspanııalyq veloshabandoz Hoakım Rodrıges keledi. «Astana» sapynda eń úzdik kórsetkish 4-orynda kele jatqan Paolo Tıralongoda. Klýbtyń «Djırodaǵy» kapıtany Roman Kroıtsıger 6-orynǵa syrǵydy.
Jalpy esep:
1. Hoakım Rodrıges (Ispanııa) «Katıýsha» 51:19.08
2. Rıýder Heshedal (Kanada) Garmin +0.17
3. Sandı Kasar (Frantsııa) FDJ +0.26
4. Paolo Tıralongo (Italııa) «Astana» +0.32
5. Ivan Santaromıta (Italııa) VMS +0.49
6. Roman Kroıtsıger (Chehııa) «Astana» +0.52.
