«Djıro d'Italııa» kúmis júldegeri Fabıo Arý «Polsha týrynda» «Astana» kapıtany bolmaq
ASTANA. QazAqparat - «Astana» velokomandasy «Polsha týryna» qatysatyn shabandozdar tizimin jarııalady.
Saıysqa qos birdeı qazaqstandyq - Alekseı Lýtsenko jáne Andreı Zeıts qatysady. «Djıro d'Italııa» kópkúndiginiń kúmis júldegeri Fabıo Arý komanda kapıtany bolmaq. Sonymen qatar, tizimge Borýt Bozıch, Darıo Kataldo, Andrea Gýardını, Dıego Rosa jáne Paolo Tıralongo syndy shabandozdar da ilinip otyr, dep habarlaıdy alaman. kz.
«Polsha týry» tamyzdyń 2-si men 8-si aralyǵynda ótedi. Birinshi kezeń aralyǵy 122 shaqyrymdy quraıtyn Varshava qalasynda saǵat 18:00-de (Astana ýaqyty) bastaý alady.
