Djıpten júırik ınspektor jurtshylyqty tańǵaldyrdy - VIDEO
ASTANA. QazAqparat - Ǵalamtorda eki kún buryn jarııalanǵan Reseıdiń jol patrýldik qyzmeti ınspektorynyń erligi túsirilgen beınerolık eki mıllıonnan astam kórilim jınady, dep jazady reseılik BAQ.
Bul oqıǵa 2013 jyly bolǵan eken, alaıda ol ǵalamtorǵa jýyrda, tek bir jyldaı ýaqyt ótkennen keıin ǵana salynǵan.
Eldi mekenniń ishindegi tar jol qashyp kele jatqan kólikti basyp ozýǵa múmkindik bermeı kele jatqan sátte tózimi taýsylǵan ınspektor mashınadan atyp shyǵyp, jol talǵamaıtyn kólikti jaıaý qýyp jetken. Júrip kele jatqan kezinde oń jaq esigin ashyp kirip, qashqyndy mashınadan qýyp shyqqan.
Keıin anyqtalǵandaı, vıdeo Tatarstanda túsirilgen. Oqıǵa bolǵan eldi meken Týkaev aýdanynyń Malaıa Shılna atty aýyly kórinedi.
