Djıp aýdarylyp, 2 adam mert boldy, 12-si zardap shekti
NUR-SULTAN. QazAqparat – Nepaldyń batysynda Badjýra aýdanynda jol talǵamaıtyn kólik bıiktikten qulap, saldarynan 12 adam zardap shekti jáne eki adam mert boldy, dep habarlaıdy Himalayan Times gazeti.
Badjýra polıtsııasynyń basshysy orynbasarynyń aıtýynsha, jol talǵamaıtyn kólik joǵary órlegen jolmen kóterilgen sátinde aýdarylyp, 50 metrlik bıiktikten qulaǵan. Polıtsııanyń habarlaýynsha, 6 adamǵa arnalǵan kólikte 16 jolaýshy bolǵan. Eki adam aman qalǵan.
Jol apaty kólikte shamadan tys jolaýshylardyń kóptiginen, sondaı-aq qara joldyń nashar bolýy saldarynan oryn alǵan.
Jergilikti bılik qutqarý operatsııasyn júrgizdi. Keıbir jolaýshylardy Koltı eldi mekenindegi medıtsınalyq ortalyqqa, al qalǵandaryn áýe jolymen Nepaldyń ońtústik-batysynda Nepalgandj qalasyndaǵy aýrýhanaǵa jetkizgen. Sondaı-aq, aýyr haldegi tórt adamdy áýe kóligimen el astanasy Katmandaǵy aýrýhanalardyń birine alyp barǵan.
