«Djeıms Ýebb» teleskoby taǵy da ǵaryshtan tańǵajaıyp sýretter túsirdi
«Jaratylys tirekteri» shyn máninde Jerden shamamen 6500 jaryq jylyna teń qashyqtyqta ornalasqan. Bul – Jylan shoqjuldyzyndaǵy sýtegi gazy men ǵarysh shańynan turatyn sýyq, tyǵyz bulttar.
Bul sýretti árbir qýatty teleskop túsirgen, sonyń ishinde «Habbl» eki ret, 1995 jáne 2014 jyldary túsirip aldy.
«Djeıms Ýebb» taǵy bir keremet kórinis syılady.
«Tirekter» astronomdar Messe 16, (M16) nemese Búrkit tumandyǵy dep ataıtyn qubylystyń dál ortasynda ornalasqan. Bul – juldyz túziletin belsendi aımaq.
Infraqyzyl detektorlarmen jabdyqtalǵan «Ýebb» jańa týǵan kúnderdiń belsendiligin zertteýge kómektesetin, tirekterdi quraıtyn shań bólshekterindegi jaryqtyń shashyraý áserleriniń kóp bóligin kóre alady.
«Men «Búrkit tumandyǵyn» 1990 jyldardyń ortasynan bastap zerttep, Habbl kórsetken birneshe jaryq jylyna sozylǵan tirekterdiń ishine úńilip, ishinen jas juldyzdardy tabýǵa tyrystym. «Djeıms Ýebbtyń» bul jerde túsirgen sýretteri tańǵalarlyq bolatynyna árqashan senimdi boldym. Dál solaı bolyp shyqty», - dedi Eýropa ǵarysh agenttiginiń aǵa ǵylymı keńesshisi, professor Mark Makkorıan agenttikke bergen suhbatynda.
Foto: bbc.com
