Djeıms Kemeron «Tıtan» batıskafy týraly serıal túsirmeıtinin aıtty
NЬıÝ-IORK. QazAqparat – Oskar syılyǵyn ıelengen rejısser Djeıms Kemeron «Tıtan» batıskafynyń apaty týraly dramalyq telehıkaıa túsirilimine qatysty kelissózder júrgizip jatqany týraly aqparatty joqqa shyǵardy, dep habarlaıdy QazAqparat New York Post-qa silteme jasap.
Tanymal rejısser ótken aıda bes adam qaza tapqan «Tıtan» batıskafy tragedııasy men jobasyna qatysy bar ekeni týraly qaýesetti joqqa shyǵardy.
«Ádette, BAQ-taǵy ósek-aıańǵa mán bermeımin, biraq qazir pikir bildirýim qajet bolyp tur. Men OceanGate týraly fılm túsirilimine baılanysty kelissózge qatysqan joqpyn jáne eshqashan qatyspaımyn», - dep jazdy 68 jastaǵy Kemeron.
Kemeron Tıtanık qaldyqtaryna tereń súńgý tájirıbesi bar ekenin eskerip, strımıng kompanııamen iri joba týraly kelissóz júrgizip jatqany jaıly aqparat paıda bolǵannan keıin Kemeron onyń jalǵan ekenin málimdedi.
18 maýsymda «Tıtan» batıskafymen baılanys úzilgennen keıin Kemeronǵa qoǵamnyń nazary aýdy. Sebebi rejısser 111 jyl buryn batyp ketken kemege 33 ret súńgigen.
Kemeron batıskaf sýǵa súńgı sala jarylyp, borttaǵy bes jolaýshynyń bári mert bolǵan degen boljamdy aıtqandardyń biri boldy.
Ol kemeni birneshe kún izdeýdi «nashar spektakl» dep atap, «batıskaf joǵalyp ketkennen birneshe kún ótkende adam aman qalýy múmkin emes» dep málimdedi.
«Men esh kúmándanǵan joqpyn. Batıskaf qazir tabylǵan jerde, tereńde ekenin bildim», - dedi ol sol kezde BBC News-ke.
Buǵan deıin QazAqparat «Tıtanık» blokbasterin túsirgen Djeıms Kemeron «Tıtan» batıskafynyń apaty týraly dramalyq telehıkaıa túsirý úshin kelissóz júrgizip jatqanyn habarlaǵan bolatyn.
Batıskaf bortynda 5 adam boldy: 58 jastaǵy brıtandyq bıznesmen ári zertteýshi Hemısh Hardıng, 48 jastaǵy bıznesmen, pákistandyq Shahzada Davýd pen onyń 19 jastaǵy uly Sýleıman, OceanGate kompanııasynyń 61 jastaǵy dırektory Stokton Rash jáne 77 jastaǵy frantsýzdyq zertteýshi Pol-Anrı Narjole.
