Djeıms Kemeron «Avatardyń» jalǵasyn túsirýge kiristi
ASTANA. QazAqparat - Rejısser Djeıms Kemeron óziniń «Avatar» fılminiń jalǵasyn túsirýdi qolǵa aldy.
Deadline-nyń habarlaýynsha, fılmniń ekinshi bóligin shyǵarý 2020 jyldyń 18 jeltoqsanyna josparlanǵan. Kelesi bóliminiń tusaýkeseri 2021 jyldyń jeltoqsanynda, al qalǵan tórtinshi jáne besinshi fılmder sáıkesinshe 2024 jáne 2025 jyldary shyǵady dep josparlanyp otyr, dep jazdy Rosbalt.
Fılm túsiriliminiń jalpy bıýdjeti mıllıard dollardan astam qarajatty quraıdy. Bul joba kınematografııa tarıhyndaǵy eń qymbat joba bolaıyn dep tur.
Aıta keteıik, «Avatarda» Pandora ǵalamsharyndaǵy jarymjan sarbazdyń bastan keshken oqıǵalary baıandalady.
Fılm eń úzdik operatorlyq jumys, tańdaýly dekoratsııalary men vızýaldy áserleri úshin úsh márte «Oskar» syılyǵyn ıelengen.
