Djeıms Kemeron «Avatardyń» jalǵasy bolatynyna sóz berdi
ASTANA. QazAqparat - Rejısser Djeıms Kemeron «Avatar» fantastıkalyq fılminiń jalǵasyn, taǵy 4 fılmdi túsiredi. Bul týraly ol Los-Andjelestegi CinemaCon forýmynda habarlady, dep jazdy The Guardian. Qoıýshynyń sózine qaraǵanda, «Avatar» trılogııamen shektelmeıtin epopeıaǵa aınalýy tıis.
«Úsh fılmmen shektelsek, tarıhty tolyq jetkize almaıdy. Sońǵy birneshe jylda úzdik stsenarııshilerden quraǵan komandamen jumys istep jatyrmyn», - dedi Kemeron.
Ol ár fılm ózindik tarıhty baıandaıtynyn, alaıda bir sıýjet jelisimen biriktiriletinin jetkizdi. Kartınalar kınoteatrlarda 2018, 2020, 2022 jáne 2023 jyldary kórsetiledi.
Osyǵan deıin Kemeron «Avatardy» jalǵastyratyn eki fılm týraly ǵana aıtqan. Birinshi lenta 2017 jyly shyǵady dep boljanǵan, degenmen premerany keıinge shegerdi.
2009 jyldyń jeltoqsanynda kórsetilgen «Avatar» kınematografııa tarıhyndaǵy eń kassalyq kartına bolyp saqtaldy. Ol prokatta 2,7 mıllıard dollar paıda tapty.
Kartına «Oskardyń» toǵyz atalymyna usynylyp, úsheýinde - «Úzdik operatorlyq jumys», «Úzdik vızýaldyq effektiler» jáne «Qoıýshynyń úzdik jumysy» dárejelerinde jeńiske jetti.
