Djeıkobspen jekpe-jek meniń keleshegim úshin qaýipti - Golovkın
ASTANA. QazAqparat - Múldem jeńilip kórmegen orta salmaqtaǵy boksshy Gennadıı Golovkın Denıel Djeıkobspen alda ótetin aıqas mańyzdy ári barynsha qaýipti ekenin aıtty, dep jazdy Sports.kz.
«Djeıkobs - men úshin myqty qarsylas ekenin jaqsy bilemin. Bul eki chempıonnyń tartysty jekpe-jegi bolmaq. Ol úzdik áýesqoılyq mansaby qalyptasqan boksshy.
Onyń sońǵy aıqasyndaǵy qarsylastary myqty jigitter boldy. Bul jekpe-jekten 100 paıyzdyq qysymdy sezgenime qaramastan, ózimdi jaqsy sezinemin. Bul aıqasýǵa turarlyq jaǵdaıda, aıqasýǵa turarlyq qarsylaspen ótetin naǵyz bıznes», - degen oıyn bildirdi qazaqstandyq Los Angeles Times jýrnalısterine suhbat bergen kezde.
Onyń aıtýynsha, bul onyń mansabyndaǵy eń úlken qadam. «Kelesi qadamym odan da mańyzdyraq. Biz tarıh úshin aıqasamyz. Djeıkobs meniń burynǵy qarsylastaryma qaraǵanda áldeqaıda kúshtirek. Qarsylastarymnyń ishindegi eń qaýiptisi der edim. Bul boks úshin de, meniń keleshegim úshin de qaýipti», - dep sózin túıindedi Golovkın.
