Djeıkobs komandasy Golovkındi jeńetindikterine senimdi
ASTANA. QazAqparat - Denıel Djeıkobs ókilderi amerıkandyqtyń naýryz aıynda Gennadıı Golovkındy «bir jaqty» etetinine senimdi, dep habarlaıdy Sports.kz.
«18 naýryz túni boks álemi úshin erekshe bolmaq, - deıdi Denıel Djeıkobs komandasynan Kıt Konollı. - Álemdegi orta salmaqtaǵy eń úzdik eki boksshy aıqaspaq. Bul jekpe-jekti boks áýesqoılary kóp kútti».
«Biz toǵyz jyl boıy tynymsyz eńbek etip, Dennıdi osyndaı dárejege jetkizgen El Heımonǵa alǵys aıtamyz. Ol álemdegi úzdik boksshylardyń biri Gennadıı Golovkındi jeńe alatyndaı múmkindik týǵyzdy. 18 naýryz kúni jekpe-jekti tamashalaýǵa kelińizder. Dennı bıikten kórinip, Brýklınge barlyq belbeýlerin qaıtaryp alady. Oǵan kúmándaryńyz bolmasyn».
