Djeıkobs Golovkınniń kúshin baǵalady

ASTANA. QazAqparat - Amerıkalyq boksshy Denıel Djeıkobs (32-2, 29 KO) óziniń burynǵy qarsylasy qazaqstandyq Gennadıı Golovkınniń (37-0, 33 KO) soqqysynyń kúshi týraly pikirimen bólisti, dep habarlaıdy Sports.kz.

«Men onyń kúshine qalaı baǵa berem? Eger onyń kúshin on baldyq júıemen eseptesek, men oǵan 8 baldy qoıar edim. Iá, shamamen solaı», - dedi Djeıkobs.

Eske sala keteıik, 18 naýryzda Gennadıı Golovkın Nıý-Iorktegi "Madison Square Garden" saraıynda ótken, 12 raýndqa sozylǵan jekpe-jekte amerıkandyq Denıel Djeıkobsty jeńip, óz belbeýlerin qorǵap qalǵan bolatyn.