Djeıkobs Golovkınmen kezdesýi týraly aıtty

ASTANA. QazAqparat - Amerıkalyq boksshy Denıel Djeıkobs (32-1, 29 KO) ESPN basylymyna bergen suhbatynda qazaqstandyq Gennadıı Golovkınmen bolatyn kezdesýi týraly aıtyp berdi, dep habarlaıdy Sports.kz.

«Keıde jekpe-jekti kóp oılanbastan uıymdastyrý qajet bolady. Keıde tipti rıngke shyǵa salyp ózgelerdiń qolynan kelmeıtin isti jasaý qajet. Eger Siz ózińizge senimdi bolsańyz, eger Siz ózińzdiń boıyńyzdaǵy múmkindikterińizge senseńiz men sııaqty, onda bári durys bolady. Qandaı da bir qaýip qaterler bolady ma degen zańdy saýal da týyndaıdy. Árıne, bolady. Bári de bolady. Alaıda olardyń barlyǵy da meniń osy ýaqytqa deıin bastan ótkergenderimniń janynda túkke de turmaıdy. Bul meniń ómirim. Biz jekpe-jekten lázzat alamyz. Qazir sol kezdesýdiń naǵyz sáti týyp tur. Aqyry bolatyn boldy-aý... Qazir naǵyz rıngke shyǵatyn, ne aýzyńdy býyp typ-tynysh otyratyn kez»,-dedi Djeıkobs.

Esterińizge sala keteıik, Golovkın-Djeıkobs kedesýi Nıý-Iorktegi Madison Square Garden arenasynda 18 naýryz kúni ótedi.