Djeıkobs Golovkınmen qarymta kezdesý ótkizý týraly pikir bildirdi

ASTANA. QazAqparat - WBA (Regular) nusqasy boıynsha burynǵy orta salmaqtaǵy álem chempıony Denıel Djeıkobs Gennadıı Golovkınmen qarymta kezdesý ótkizý múmkindigi týraly pikir bildirdi, dep habarlaıdy Sports.kz.

«Golovkın men onyń komandasynyń óz josparlary bar ekenin túsinemin. Gennadıı óz mansabynyń sońǵy kezeńine kelip qaldy, sondyqtan olar baryn salyp tyrysyp jatyr. Sol sebepti menimen qarymta jekpe-jek ótkizý oǵan qarjylyq jaǵynan tıimsiz bolar edi. Bul aıqastyń tıimsiz ekenin bile tura jekpe-jekti ótkizýge kelisim berý - táýekelge bas tigý. Ol dene bitimi shaǵyn Kanelomen judyryqtasyp, jankúıerler sanyn eselep, kóp tabys tabady. Bıznes jaǵynan qarasaq, bunyń mańyzy zor. Árıne, men 100% qarymta kezdesýdiń ótkenin  qalaımyn. Biraq, eger GGG basqa baǵytty tańdasa, oǵan renjimes edim», - dep Boxingscene.com Djeıkobstyń sózin keltiredi.

Eske sala keteıik, 18 naýryz kúni 12 raýndqa sozylǵan aıqasta Golovkın tóreshilerdiń biraýyzdan sheshimimen Djeıkobstan basym túsken bolatyn.