Djeıkobs: Golovkındi jeńýdiń tásilin onymen jekpe-jekte kórsetemin
ASTANA. QazAqparat - Amerıkalyq Denıel Djeıkobs eshqashan jeńilip kórmegen Gennadıı Golovkınge qarsy aıqasta qandaı ádis qoldanatynyn aıtyp berdi, dep habarlaıdy Sports.kz.
«Onyń barlyq erekshelikterimen birge, biz árıne, kemshilikterin de taba alamyz. Onyń kemshin tustaryn tabý arqyly kúshti qabiletterine toıtarys berýge bolady. Men ózimdi naǵyz atlet, kúshti boksshy dep esepteımin. Sondaı-aq, men rıngte qalaı oılaýdy biletin boksshymyn. Men ony dál qazir soqqynyń astyna alamyn dep aıta almaımyn, biraq jekpe-jekte kórsetemin», - dep Djeıkobstyń sózderin keltirdi ESPN Deportes.
