Djeıkobs Golovkındi orta salmaqtyń úzdigi dep atady

ASTANA. QazAqparat - Orta salmaqtaǵy burynǵy álem chempıony Denıel Djeıkobs bolashaqta Gennadıı Golovkınge qarsy revansh ótkizýge, sondaı-aq Saýl Alvares pen Djermall Charlomen judyryq túıistirýden úmitti ekenin bildirdi, dep jazady Sports.kz.

«Bokstyń óz saıasaty bar, ol - qomaqty aqsha túsetin jekpe-jekter. HBO-men birge ózimniń bolashaǵymdy qorǵaýǵa áreket etemin. Qazir mende bularmen jekpe-jek ótkizý múmkindigi joq, óıtkeni olar ózderiniń kelisimshartyn oryndaıdy. Biraq olarmen bir telejelidemiz... Men áli de GGG orta salmaqtyń úzdigi dep sanaımyn. «Kanelo» onymen teń dárejede judyryqtasty dep oılamaımyn, menińshe ol úsh raýndta jeńildi. Djermall Charlo da meniń tizimimde bar. Men úzdik boksshylarǵa qaraı bara jatyrmyn. Olardyń kez kelgenimen judyryqtasýǵa daıynbyz. Onyń ishinde Charlo da bar, sene berińiz, men «Kanelony» da toqtatamyn», - deıdi Djeıkobs Boxingnews24.com-ǵa bergen suhbatynda.