Djeı Lonyń kontserti Tashkentke 3,3 mln dollar tabys ákeldi

ASTANA. KAZINFORM — Sharany uıymdastyrǵan Mádenıet pen ónerdi damytý qorynyń búgingi málimeti boıynsha, 2025 jyldyń 7 tamyzynda Tashkenttegi «Býnedkor» stadıonynda ótken amerıkalyq sýperjuldyz Djennıfer Lopestiń kontsertinen Tashkent qalasyna 42,5 mıllıard sýmdan (3,3 mıllıon dollar) astam salyq túsimi tústi, dep habarlaıdy gazeta.uz. 

Bul Ózbekstan tarıhyndaǵy AAA sanatyndaǵy ónerpazdyń qatysýymen ótken alǵashqy kontsert ekeni habarlandy. Kontsert bolatyn kúni stadıonǵa qyzmet kórsetý qyzmetkerlerin qosqanda 31 144 adam keldi. 25 myń bılet satylsa, onyń 67 paıyzyn sheteldikter satyp alǵan.

Kontsertke barlyǵy 15 330 sheteldik týrıst kelgeni atap ótildi. Olardyń 8 945-i reseılikter, 2 495-i qazaqstandyqtar, qalǵandary Eýropa men AQSh-tan kelgen týrıster.

5-8 tamyzda tashkenttik qonaqúıler ótken jyldyń sáıkes kezeńimen salystyrǵanda 25,7 paıyzǵa kóp bolǵany habarlandy. 7 tamyzda Chılonzor metro jelisinde 16 500-den astam jolaýshyǵa qyzmet kórsetildi. Sharany uıymdastyrýǵa 115 uıym qatysty. Barlyǵy 18 fýd-kort pen saýda núkteleri jumys istedi.

Qoǵamdyq tártip pen qaýipsizdikti qamtamasyz etý úshin 88 jol-patrýldik jáne arnaıy tehnıka, 8 jedel járdem kóligi jumyldyryldy. Shara ótetin aýmaqta 3800 tártip saqshysy men 300 erikti, sondaı-aq 500 qyzmetker tazalyqty qamtamasyz etti.

Eske sala keteıik, Djeı Lonyń Astanadaǵy kontserti qalaı ótkeni jaıly jazǵan edik.