Djeı Lonyń komandasy Qazaqstanǵa keldi

ASTANA. KAZINFORM – Bul týraly ánshiniń áriptesi Instagram-daǵy paraqshasynda bólisti. Amerıkalyq ónerpazdardy qonaq úıde qazaqtyń ulttyq taǵamdarymen qarsy alǵan.

– Men ómirimde talaı qonaqúıde boldym. Biraq bul qonaq úı erekshe unady. Bólmeniń kólemi de tańǵalarlyq. Búgin qalaı raqattanyp uıyqtaıtynymdy elestetip turmyn. Al, terezeden qaraǵandaǵy kórinis tipti ǵajap. Keıingi kúnderi aıaldaǵan qonaqúılerdiń ishinde maǵan eń unaǵany osy-aý, shamasy. Qazaqstan osyndaı áser syılaıdy dep kim oılaǵan? Ras aıtam. Aýa raıy da minsiz. Dalada shamamen 72°F (22°C). Keremet. Qazaqstan maǵan qatty unady, - deıdi Sheron ıAngblad.

Aıta keteıik, Djennıfer Lopestiń Qazaqstan astanasyndaǵy óner kórsetýi onyń «Up All Night» álemdik týrnesiniń bir bóligi bolmaq. Kontsertke 50 myńnan astam kórermen keledi dep kútilip otyr.

Eske salsaq, buǵan deıin «Astana Arenada» Djeı Lonyń kontsertine sońǵy daıyndyq jumystary júrgizilip jatqanyn habarlaǵan edik.