Djeı Lo kontserti: Ortalyq stadıonǵa kórermender jınalyp jatyr
ALMATY. KAZINFORM – Almatyda kórermender Ortalyq stadıon mańyndaǵy aımaqqa kire bastady.
Onda tamaqtaný oryndary jáne ózge de servıs aımaqtary jumys isteıdi. Alaıda negizgi aımaqqa kirý tek saýndchek aıaqtalyp, ánshiniń tehnıkalyq toby ruqsat bergennen keıin ǵana bastalady.
Qazirgi ýaqytta stadıon mańynda tártip saqshylary men eriktiler jumys istep jatyr. Kezekte turǵan adamdardyń qarasy da az emes.
Stadıon birneshe aımaqtarǵa bólingen: fan-aımaqtar, laýnj-aımaqtar, fýd-korttar, VIP jáne medıa aımaqtar. Qaýipsizdik pen jaılylyqty qamtamasyz etý úshin medıtsınalyq brıgadalar, tótenshe jaǵdaı qyzmetkerleri jáne órt sóndirý toptary kezekshilik atqarýda. Kirý qaqpalaryna metalldetektorlar men qol skanerleri bar 26 baqylaý-ótkizý pýnkti ornatyldy.
Eske salaıyq, jalpy kontsert kezinde qoǵamdyq qaýipsizdikti qamtamasyz etý úshin 2960 qyzmetker jumyldyrylady. Onyń ishinde 2240 polıtsııa qyzmetkeri, 600 áskerı qyzmetker, 120 jeke kúzet agenttigi ókilderi jáne 300 erikti bar.
Buǵan deıin Djeı Lo kontserti kezinde Almatyda qandaı kósheler jabylatynyn jazǵanbyz.
Sondaı-aq Ortalyq stadıonǵa arnaıy avtobýstar qaı jaqtan qatynaıtynyn jazǵan edik.
Álemdik pop-juldyz 1 tamyz kúni «Astana Arena» stadıonynda jeke kontsert berdi.
