Djeı Lo kontserti: Ortalyq stadıonǵa arnaıy avtobýstar qaı jaqtan qatynaıdy

ALMATY. KAZINFORM – Almatyda 10 tamyz kúni álemdik pop-juldyz Djennıfer Lopestiń kontserti ótedi.

Almaty ákimdiginiń málimetinshe, álemdik juldyzdyń án keshine 20 myńnan astam kórermen jınalmaq. Sondyqtan Ortalyq stadıonǵa kirý saǵat 15:00-den bastap ashyq bolady. Negizgi is-shara saǵat 19:00-de bastalady.

- Negizgi juldyz sahnaǵa shyqqanǵa deıin Qazaqstan estradasynyń tanymal oryndaýshylarynyń qatysýymen mazmundy kontserttik baǵdarlama ótedi. Olar stadıonǵa kelgen alǵashqy mınýttardan-aq merekelik kóńil-kúı syılaıdy, - dep habarlady ákimdikten.

Negizgi kirý aımaqtary:

Abaı dańǵyly jaǵynan:

5-qaqpa – 2–18 sektorlar

6-qaqpa – 19–25 sektorlar, fan-aımaq jáne bı alańy

• Baıtursynuly kóshesi jaǵynan: 1 jáne 2-qaqpa (otyratyn sektorlar)

• Satpaev jáne Shagabýtdınov kósheleri jaǵynan: sahna men bı aımaǵyna ótetin kórermender

Sonymen qatar zeınetkerlerge, múmkindigi shekteýli jandar men júkti áıelderge arnalǵan bólek kireberis bolady.

Arnaıy avtobýs baǵyttary

Kontsertke keletin adamdardyń yńǵaılylyǵy úshin Ortalyq stadıonǵa deıin jáne keri baǵytta tegin avtobýstar uıymdastyrylady.

Shattl avtobýstar 15:00, 15:45, 16:30, 17:15 jáne 18:00 ýaqyttarynda júredi.

Stadıonǵa jóneltý baǵyttary:

Halyk Arena – Halyq Arena aıaldamasy;

• Qalqaman – №7 qalalyq aýrýhana aıaldamasy;

• Orbıta / Toraıǵyrov pen Mustafın qıylysy – Demırel kolledji aıaldamasy;

• Raıymbek / Alataý – Jaqybaev aıaldamasy;

• Almaty-1 temirjol vokzaly;

• Almaty Arena – Almaty Arena aıaldamasy.

Kontsertten keıingi qaıtý baǵyttary (avtobýstar tolyýyna qaraı júredi):

* Sátbaev kóshesi – Qalqaman;

* Baıtursynov kóshesiniń batys jaǵy – Orbıta;

* Baıtursynov kóshesiniń shyǵys jaǵy – Almaty-1 vokzaly;

* Abaı dańǵylynyń ońtústik jaǵy – Halyq Arena;

* Abaı dańǵylynyń soltústik jaǵy – Almaty Arena jáne Raıymbek / Alataý.

Eske salaıyq, Almatyda Djeı Lo kontsertine daıyndyq qalaı júrip jatqanyn jazǵanbyz. Jalpy kontsert kezinde qoǵamdyq qaýipsizdikti qamtamasyz etý úshin 2960 qyzmetker jumyldyrylady. Onyń ishinde 2240 polıtsııa qyzmetkeri, 600 áskerı qyzmetker, 120 jeke kúzet agenttigi ókilderi jáne 300 erikti bar.

Buǵan deıin Djeı Lo kontserti kezinde Almatyda qandaı kósheler jabylatynyn jazǵanbyz.

Álemdik pop-juldyz 1 tamyz kúni «Astana Arena» stadıonynda jeke kontsert berdi.