Djeı Lo kontserti: Eriktiler kórermenderdi ornalastyrýǵa kómektesti
ASTANA. KAZINFORM — Almatyda eriktiler men stıýardtar Djennıfer Lopes kontsertine kelgen kórermenderdi oryndaryna ornalastyrýǵa járdemdesip júr, dep habarlaıdy qala ákimdiginiń baspasóz qyzmeti.
Búgin Almatydaǵy Ortalyq stadıonda álemdik týrdyń Up All Night baǵdarlamasy aıasynda kópten kútken Djennıfer Lopestiń kontserti ótip jatyr. Álemdik deńgeıdegi bul sahna juldyzy tuńǵysh ret Qazaqstan kórermenderimen júzdesip otyr. Erekshe sátti tamashalaý úshin 35-ten astam elden qonaqtar jıylyp, myńdaǵan týrıst arnaıy Almatyǵa at basyn burdy.
— Sektorlardyń kireberisinde qonaqtardy stıýardtar men eriktiler jyly shyraımen qarsy alyp, qajetti qatar men oryndy tabýǵa baǵyt berip júr, úlken alańda oryn tabýǵa baǵyt-baǵdar kómektesedi, saýaldarǵa jaýap beredi. Olardyń tııanaqty eńbeginiń arqasynda kórermenderdi ornalastyrý úderisi tez ári artyq qarbalassyz ótip jatyr. Osylaısha, jurt merekelik kóńil-kúıge bólenip, Djeı Lonyń sahnaǵa shyǵýyn asyǵa kútip otyr, — delingen habarlamada.
Budan buryn 8 tamyzda Djennıfer Lopes komandasy Almatyǵa kelgeni habarlandy.