09:03, 08 Sáýir 2025 | GMT +5
Djeı Lo Qazaqstanǵa keledi
ASTANA. KAZINFORM – Álemdik juldyz Up All Night týrnesiniń bastalǵanyn jarııalady.
Bul týraly ánshiniń Instagram jelisindegi resmı derekkózden belgili boldy.
Amerıkalyq aktrısa jáne ánshi Djennıfer Lopes gastroldik sapary aıasynda 1 tamyzda Astanada Astana Arena-da óner kórsetedi.
Týr 1 shildede bastalyp, 3 tamyzǵa deıin jalǵasady. Ol álemniń 17 qalasyn qamtıdy, sonyń ishinde: Antalıa men Ystanbul, Madrıd pen Barselona, Býdapesht, Varshava, Býharest, Ábý-Dabı jáne t.b. bar.
- Barlyq halyqaralyq JLovers úshin aıtarym, men osy jazda birneshe tańdaýly orynda óner kórsetemin. Sahnaǵa qaıta oralyp, bárińizdi kórgenshe asyqpyn. Bul tańǵajaıyp jaz bolady, - dep túsindirdi Djennıfer Lopes aldaǵy týr týraly.