Djeı Dı Vens: AQSh Irandaǵy maqsatyna jetti

ASTANA. KAZINFORM — AQSh ákimshiligi Iranǵa qatysty áskerı operatsııanyń mindeti oryndaldy jáne qaqtyǵysty aıaqtaýǵa kirisetin ýaqyt keldi dep sanaıdy. Bul týraly AQSh vıtse-prezıdenti Djeı Dı Vens málimdedi, dep habarlaıdy Report.

— Biz óz maqsatymyzǵa qol jetkizdik dep oılaımyn. Endi muny aıaqtaýǵa kirisemiz, — dedi ol.

Vens qaqtyǵysty «tabysty kelissózder arqyly» aıaqtaýdy jón kóretinin atap ótti. Sondaı-aq ol Irannyń ıadrolyq baǵdarlamasyna toqtalyp, bul AQSh-ty alańdatatynyn atap ótti.

— Sondyqtan biz bul materıaldy (baıytylǵan ýrandy — red.) tolyqtaı elden shyǵaryp, onyń AQSh baqylaýynda bolǵanyn qalaımyz… Irandyqtardyń ıadrolyq qarýǵa ıe bolmaımyz deýi — bir másele. Al onyń júzege aspaýyn qamtamasyz etetin mehanızm qurý — basqa másele, — dedi Vens.

Eske sala keteıik, 11–12 sáýir kúnderi Islamabadta Iran men AQSh arasynda kelissózder ótti. 21 saǵattan astam ýaqytqa sozylǵan shıelenisti kelissózder soǵysty toqtatýǵa baǵyttalǵan beıbit kelisimge ákelmedi.