Djermeın Djekson: Maıkl Djekson Islam dinin shyn júregimen qabyldady
ASTANA. 4 maýsym. QazAqparat - Marokkoda ótip jatqan «Maýazın» festıvalinde sóz sóılegen Maıkl Djeksonnyń úlken aǵasy Djermeın Djekson baýyrynyń dúnıeden ozar aldynda ıslamdy qabyldaǵanyn tilge tıek etti. Bul jaıynda The National habar taratty.
«Saýd Arabııasynan Maıklge ıslam jaıly kitaptar ákelgenim áli esimde, - dep eske alǵan Djermeın: - Ol osy kitaptardyń bárin muqııat oqyp shyqty», - dedi.
Onyń aıtýynsha, búginderi pop-juldyzdyń jora-joldastary men onyń balalaryna qaraǵan adamdardyń bári musylman bolǵan. «Ol, menińshe, ıslamdy shyn júrekpen qabyldady», - dedi ol sózin tolyqtyryp.
Djermeın Djeksonnyń ózi bas-gıtarashy ári sazger. Ózge baýyrlary men ápkeleri sekildi «Iegova kýágerleri» rýhynda tárbıelengen. Kezinde Djekson otbasynyń osynaý dinı aǵymdy ustanǵanyn aıta ketý kerek. muslim.kz saıtynyń jazýynsha, 1989 jyly Djermeın Bahreınde ıslamdy qabyldap, esimin Muhammed Ábdiáziz dep ózgertken bolatyn.
