Djermall Charlo Gennadıı Golovkındi jekpe-jekke shaqyrdy
ASTANA. QazAqparat - 22 jeltoqsanda WBC nusqasy boıynsha orta salmaqtaǵy ýaqytsha chempıon, Amerıka boksshysy Djermall Charlo (27-0, 21 KO) reseılik Matveı Korobovpen (28-1, 14 KO) kezdesedi, dep habarlaıdy «SPORTINFORM».
Eske sala keteıik, Charlo Gennadıı Golovkınniń burynǵy qarsylasy kishi Vıllı Monromen judyryqtasýy tıis edi. Biraq sońǵysy dopıng testten óte almady. Jekpe-jektiń ótýine bir apta qalǵanda, onyń ornyna bul sátti ómir boıy kútkenin aıtqan Matveı Korobov keldi.
«Alvares qorqady. Qaıdasyń? Seni jekpe-jekke qashannan beri shaqyryp kelemiz, kórinetin ýaqyt boldy ǵoı. Jurt aǵaıyndy Charlolardyń álemdegi úzdiktermen qalaı judyryqtasatynyn kórgisi keledi. Biz ózimizdi sondaı sanaımyz. Kamon, men. De La Hoııanyń artynda jasyrynba», - dedi Alvareske arnaǵan sózinde amerıkandyq boksshy.
Charlonyń aıtýynsha, «Golovkın qartaıa bastaǵan» kezde, al dıvızıonnyń jańa kóshbasshysy Kanelo bolǵanda, ol áýeli meksıkalyq boksshynyń sazaıyn tartqyzýǵa, al keıin týra solaı Gennadıımen de jasaýǵa daıyn.
