Djeremı Renner Forbes tujyrymy boıynsha eń tabysty akter atandy
ASTANA. QazAqparat - Forbes jýrnaly Djeremı Rennerdi 2017 jyldyń eń tabysty akteri dep atady, dep habarlaıdy QazAqparat.
Akterdiń túsirilimge qatysýy arqyly tabysyn esepteý barysynda oǵan jumsalǵan ár dollar kassaǵa 94 dollar paıda ákeledi. Basylym akterdiń basty róldi somdaǵan sońǵy úsh fılmine súıenip baǵalaǵan.
Renner 2017 jyldyń tiziminde «Oryndalmaıtyn mıssııa: Qashqyndar taıpasy (Mission: Impossible - Rogue Nation 2015), «Alǵashqy kek alýshy. Teketires (Captain America: Civil War 2016) jáne «Beısaýat (Arrival 2016) fılmderi arqyly kósh bastap tur. Sondaı-aq, ol barlyq úsh fılmde de negizgi emes, qosymsha keıipkerdi somdaǵan.
Bul tizimde ekinshi orynda Emma Ýotson tur. Ol ózine jumsalǵan ár dollardyń ornyna 71 dollar kiris keltirgen. Úshinshi oryndy eki jyl qatarynan Skarlett Iohansson ıemdenip keledi.
Alǵashqy bestikti Emı Adams pen Krıs Pratt tuıyqtap tur. Marvel kompanııasynyń shyǵarǵan fılmderindegi keıipkerler reıtıngtiń alǵashqy bestiginiń úsh ornyn ıemdengen.
