Djennıfer Lopes pen Mark Entonı resmı túrde ajyrasty
ASTANA. QazAqparat - Aktrısa jáne ánshi Djennıfer Lopes pen oryndaýshy Mark Entonı resmı túrde ajyrasty. I-onlain basylymynyń málimetteri boıynsha, otbasylyq odaqty buzý týraly qajetti qujattarmen jumys Los-Andjelestiń sotynda aıaqtaldy.
Lopes pen Entonı ajyrasatyndary jaıly jeti jyl birge turǵannan keıin 2011 jyly jarııalaǵan bolatyn. Olardyń 6 jastaǵy Maks jáne Emmı esimdi egiz balalary bar. Sot olarǵa balalary úshin teń quqyq berdi.
Ánshi kúıeýiniń tegin óziniń Mýnıs tegine aýystyrǵany belgili boldy. Bul - 44 jastaǵy Lopestiń úshinshi, al 45 jastaǵy Entonıdiń ekinshi nekesi.
Amerıkanyń BAQ-qa jaqynda bergen suhbatynda Lopes burynǵy jubaıyna degen sezimi áli de bar ekenin moıyndady. Sonymen birge, ol neke ınstıtýtyna senetinin jáne taǵy da turmysqa shyǵýǵa nıetti ekenin jasyrmady.
Lopes kórermenderge «Djek», «Povorot», «Nezakonchennaıa jızn», «Davaıte potantsýem» jáne «Kletka» fılmderi arqyly tanymal.
