Djennıfer Lopes komandasy Almatyǵa keldi

ALMATY. KAZINFORM – Bul týraly áleýmettik jelide Djennıfer Lopestiń bek-vokalısti Sheron ıAngblad habarlady.

– Qazaqstan biz saǵan qaıta oraldyq. Búgin jáne erteń men Almatyda bolamyn jáne kishkene bos ýaqytym bolady. Sondyqtan munda ne isteı alatynymdy aıtyńdar, qaıda barsam bolady. Keńes aıtyńdar, jaraı ma? Almatyda ne bolyp jatyr, - dedi ol jelidegi paraqshasynda.

Sondaı-aq pop-juldyz komandasynyń birneshe múshesi Almatynyń tabıǵatyna tamsanyp, beınejazba jarııalady.

Eske salaıyq, Almatyda 10 tamyz kúni álemdik pop-juldyz Djennıfer Lopestiń kontserti ótedi. Uıymdastyrýshylar málimetinshe, Djeı Lo komandasynda 90 adam bar. 

Jalpy kontsert kezinde qoǵamdyq qaýipsizdikti qamtamasyz etý úshin 2 960 qyzmetker jumyldyrylady. Onyń ishinde 2240 polıtsııa qyzmetkeri, 600 áskerı qyzmetker, 120 jeke kúzet agenttigi ókilderi jáne 300 erikti bar. 

Buǵan deıin Djeı Lo kontserti kezinde Almatyda qandaı kósheler jabylatynyn jazǵanbyz.

Sondaı-aq Ortalyq stadıonǵa arnaıy avtobýstar qaı jaqtan qatynaıtynyn jazǵan edik. 

Álemdik pop-juldyz 1 tamyz kúni «Astana Arena» stadıonynda jeke kontsertin ótkizdi.