Djennıfer Garnerdiń qurbysy Kalıfornııadaǵy orman órtinen qaıtys boldy
ASTANA. KAZINFORM - Amerıkalyq aktrısa ári prodıýser Djennıfer Garner orman órti kezinde qurbysyn joǵaltqanyn aıtty. Ol dosynyń atyn atamaǵandy jón kórdi, dep habarlaıdy USA Today.
Bul týraly «Onyń maǵan aıtqan sońǵy sózi» fılminiń basty juldyzy MSNBC arnasyna qysqasha suhbat berdi.
— Men shynymen dosymnan aıyryldym. Bul bizdiń shirkeý úshin óte aýyr sát, sondyqtan ol týraly aıta berýdiń qajeti joq dep oılaımyn. Órt kezinde qurbym der kezinde syrtqa shyǵyp úlgermeı qaldy, - dedi Djennıfer Garner.
Djennıfer tabıǵı apattan zardap shekkenderge jáne órtten zardap shekken Anahaım qalasynyń turǵyndaryna kómek kórsetedi.
— Dostarym úshin júregim qan jylaıdy. Qajet deseńiz úıinen aıyrylǵan 100 dosymnyń tizimin toqtamastan aıta alamyn, - dedi aktrısa.
Buǵan deıin Kalıfornııada qaza tapqandar sany 16 adamǵa jetkeni, al qutqarýshylar joıqyn orman órtinen zardap shekken barlyq aımaqqa áli jete almaǵany habarlanǵan.
Sonymen qatar Kalıfornııadaǵy órt munaı men gaz jetkizilimine qaýip tóndiredi.