«Djelavat» daýylynan bir adam qurban boldy
ASTANA. 2 qazan. QazAqparat - Japonııaǵa soqqy bergen «Djelavat» tropıkalyq daýyldan bir adam qaza taýyp, 170-ke jýyǵy túrli dene jaraqatyn aldy. Bul týral Baq.kz habarlaıdy.
Eldiń Okınava aýmaǵynan bastap soqqan taıfýn Tokıony da basyp ótti. Surapyl jeldiń jyldamdyǵy saǵatyna 219 shaqyrymǵa jetken. Nátıjesinde, temirjoldar ýaqytsha jabylyp, áýejaılardyń jumys kestesi de ózgerdi. El aýmaǵy boıynsha 600-deı reıs keıinge shegerilipti. Al Mıe prefektýrasynda aýa raıynyń qolaısyzdyǵynan 2 myń turǵyn qaýipsiz jerge kóshirilgen.
Meteorologtar «endi jaýynnyń kesirinen laı kóshkini júrýi múmkin», - dep eskertý jasap otyr.
