Djekı Channyń ulyna qatysty prokýratýranyń aıyptaý qorytyndysy shyqty
BEIJІŃ. QazAqparat - Beıjiń qalasynyń Dýnchen aýdandyq prokýratýrasy Gollıvýd jáne Qytaıdyń ataqty akteri Djekı Channyń ulyna qatysty aıyptaý qorytyndysyn shyǵardy, dep jazady Global Times.
32 jastaǵy mýzykant jáne akter Djeısı Chan (Chen Tszýmın) ózge adamdardyń esirtki paıdalanýyna jaǵdaı jasaǵany úshin aıyptalyp otyr. QHR zańdary boıynsha, endi ol 3 jylǵa bas bostandyǵynan aıyrylýy múmkin.
Eske sala keteıik, ústimizdegi jyldyń tamyz aıynda polıtsııa Djeısı Channyń úıin tintý kezinde 100 gramm marıhýana tapqan. Sol kezde onymen birge Taıvan akteri Kaı Ko da ustalǵan bolatyn.
