Djekı Channyń qatysýymen túsirilgen fılm londondyqtardy shoshytty
ASTANA. QazAqparat - Londondyqtardy Djekı Channyń qatysýymen túsirilgen fılm qatty shoshytty. Keıbireýler qala ortalyǵynda avtobýstyń jarylýyn 2005 jyly lańkester shabýylynyń qaıtalanýy dep te oılap qalǵan.
Assoshıeıted Press agenttiginiń habarlaýynsha, qoıylymdyq jarylys Djekı Chan jáne Pırs Brosnannyń qatysýymen túsirilip jatqan The Foreigner ("Sheteldik") fılmin túsirý kezinde bolǵan. Jarylys kezdeısoq ótip bara jatqandardan qorshalǵan Lambet kópirinde boldy.
Londondyqtar aldaǵy qoıylym týraly aldyn ala aıtylmaǵanyna renishterin bildirdi. Keıbireýlerine bul oqıǵa 2005 jyldyń 7 shildesinde lańkesterdiń metropolıtenniń úsh poıyzy men Tavıstok saıabaǵyndaǵy avtobýsty jarýyn eske saldy. Ol kezde lańkestik áreketterdiń saldarynan 52 adam qaza taýyp, taǵy 700-i jaraqattanǵan bolatyn.
