Djekı Channyń dostary onyń kózine jas úıirdi
ASTANA. QazAqparat - Djekı Chan óziniń kaskaderlar tobynyń 40 jyldyǵyna arnalǵan Qytaıdyń Ace vs Ace baǵdarlamasyna qatysty. Akter stýdııaǵa jańa qurammen kelgende, baǵdarlama júrgizýshileri oǵan kaskaderlardyń eń alǵashqy býyn ókilderiniń jasaǵan vıdeoúndeýin kórsetti.
Olar Chanǵa alǵys aıtyp, keremet sátterdi eske aldy. Djekı Chanmen birge qyzmet etken kaskaderlar onymen birge jumys jasaýdyń bir ǵanıbet ekenin málimdedi. Odan bólek, Chan óziniń birshama áriptesterine qolushyn sozǵan kórinedi, keıbireýlerine mashına syılasa, al taǵy bireýlerine úı satyp alý úshin aqsha berip turǵan.
Djekı Chan kózine jas alyp, vıdeony tamashalap otyrǵanda, onyń burynǵy áriptesteri oǵan bildirmesten sahnaǵa shyǵyp, jas kaskaderlarmen oryn aýysady. Djekı rolıkti sońyna deıin tamashalap bolǵannan soń, barlyǵyna alǵysyn bildirip: «Men kıno álemindegi eńbegim úshin Oskar alsam da, bul marapat barlyǵymyzdyń jemisimiz», - dedi ol.
Chan jasy kelgen kaskaderlardyń ornyn jastardyń basyp jatqandyǵyn aıtyp, qolymen artynda turǵandardy nusqaǵanda, eski dostaryn kóredi. Vıdeo barlyǵynyń qaýyshyp, qýanyshtan kóz jastaryna erik bergen sátimen aıaqtalady.
