Djekı Channyń Dımash Qudaıbergenge úıretken bıi
ASTANA. QazAqparat - Dımash Qudaıbergen 6 aqpan kúni Qytaıdyń áıgili kıno akteri Djekı Chanmen kezdesip, arqasyna qazaqtyń ulttyq shapanyn jaýyp, dombyra syılady. Bul týraly «QazAqparat» HAA habarlaǵan bolatyn.
Megajuldyz óz kezeginde Dımashqa "Kung Fu Yoga" kınokartınasyndaǵy bı qımyldaryn úıretken bolatyn. QazAqparat oqyrmandar nazaryna atalǵan bıdiń tolyq nusqasyn usynady.
Eske salaıyq, Djekı Chanmen kezdesip, erekshe shattanǵan Dımash Qudaıbergen óz Instagram paraqshasyna: «Búgin meniń ómirimde tarıxı este qalatyn erekshe kún! Ataqty akter Djekı Chan myrza meni teledıdardan kórip, kezdesýge shaqyrdy! Kezdesýde akter maǵan óziniń eksklıýzıvti kúrteshesin jáne arnaıy fırmalyq án tyńdaý qurylǵysyn syıǵa tartty! Al men akterge qazaqtyń shapanyn jaýyp, dombyrany syıǵa tarttym! Dombyramen bir kúı shertip berýimdi ótingen Djekı Chanǵa Nurǵısanyń "Álqısasynan" shashý shashtym! Óz kezeginde akter maǵan sońǵy "Kung Fu Yoga" kınokartınasyndaǵy bı qımyldaryn úıretti. Bala kezimnen beri kele jatqan súıikti akterim maǵan óz aqyl keńesterin berip, shyǵarmashylyǵymdy baqylaıtynyn aıtty. Sóz sońynda, barsha Qazaqstan xalqyn jańa jyl merekesimen quttyqtap, ádemi lebiz-tilegin bildirdi! Kelesi kezdesýdi asyǵa kútemiz! Armandar oryndalady!», - dep jazǵan bolatyn.
