Djekı Channyń «Qudiretti saýyt» fılminiń jalǵasy Mańǵystaýda túsirilýi múmkin
AQTAÝ. KAZINFORM — Mańǵystaý oblysynda aty ańyzǵa aınalǵan Djekı Channyń qatysýymen fılm túsirilýi múmkin. «Qudiretti saýyt» jobasynyń toby Aqtaýǵa kelip, tabıǵı lokatsııalardy zertteýdi bastady. Bul týraly oblystyq týrızm basqarmasyna habarlady.
1986 jyly alǵash shyqqan «Qudiretti saýyt» franshızasy Djekı Chan fılmografııasyndaǵy eń tanymal týyndylardyń biri. Jyldar ótken soń jobanyń qaıta oralýy, álem boıynsha jankúıerleriniń qyzyǵýshylyǵyn týdyryp otyr. Al, túsirilim Mańǵystaýda ótetin bolsa, bul — Qazaqstan kınoındýstrııasy úshin mańyzdy oqıǵa bolmaq.
Komanda kelgen kúni Mańǵystaý oblysynyń ákimimen kezdesip, uıymdastyrý máseleleri men óńir aýmaǵynda túsirilim protsesin ótkizýge qajet qoldaý sharalaryn talqylaǵan.
Eger joba túpkilikti bekitilse, Mańǵystaý jahandyq kınematografııalyq tarıhtyń bir bóligi bolyp, Djekı Chan qatysatyn iri halyqaralyq ekshn-fılmde alǵash ret kórinýi múmkin.
«Qudiretti saýyt: Ýltımatým» fılminiń rejısseri Robert Kýn da Aqtaýǵa kelgenin áleýmettik jelide jarııalady.
Buǵan deıin, Djekı Chan «Qudiretti saýyt» fılminiń franshızasyn Qazaqstanda jalǵastyratynyn jazǵan edik.
Djekı Chan Qazaqstanda túsiriletin fılmniń rejısserin bekitti.