Djekı Chanǵa Sırııadaǵy qazaqstandyq balalardy qutqarý jónindegi fılm kórsetildi
«Djekı Chanmen onyń Qazaqstanda aldaǵy jańa fılmin túsirý sharalaryn talqylaı otyryp, onymen birge Sırııadan qazaqstandyq balalardy qutqarý boıynsha bıyldyń basynda arnaıy qyzmettermen júrgizilgen «Jýsan» operatsııasy týraly bizdiń fılmdi qarap shyqtyq. Atalǵan operatsııa týraly aqparat pen fılm Djekıge qatty áser etti. Óıtkeni atys-shabys janryndaǵy fılmderde basty rólderdi somdap júrgen Djekı Chan osyndaı operatsııalardyń maǵynasyn jaqsy túsinetini anyq», - dep jazdy QR Prezıdentiniń keńesshisi Erlan Qarın Instagram-daǵy paraqshasynda.
Vıdeoda akter muqııat zer salyp atalǵan derekti fılmdegi kórinisterdi tańdana qarap shyqqanyn baıqaýǵa bolady.
Budan buryn habarlanǵandaı, jaqynda Elbasy Nursultan Nazarbaev Qytaıda belgili akter Djekı Chanmen kezdesti.
Eske salsaq, bıyl qańtarda Elbasy Sırııadan Qazaqstan azamattaryn evakýatsııalaý boıynsha gýmanıtarlyq operatsııaǵa baılanysty málimdeme jasady.
Osyǵan deıin Parlament Májilisiniń depýtaty Qýanysh Sultanov «Jýsan» operatsııasy negizinde derekti, patrıottyq tárbıedegi kórkem fılm túsirý týraly usynys jasaǵan edi.
