Djekı Chan Qazaqstanda túsiriletin fılmniń rejısserin bekitti

ALMATY. KAZINFORM – Áıgili «Qudiretti saýyt» («Armour of God») franshızasynyń tórtinshi bólimi 2026 jyly kóktemde Qazaqstanda túsiriledi.

Qazaqstandyq medıakompanııalardyń paraqshasynda jarııalanǵan aqparatta Djekı Chan «Qudiretti saýyt: Ýltımatým» fılmine rejısser retinde Robert Kýndy ózi bekitkeni aıtylǵan.

— Robert Kýnnyń esimi álemdik kıno ındýstrııasynda burynnan belgili. Ol Disney, Paramount, Universal jáne 20th Century Fox stýdııalarynyń ekshn-sahnalaryn qoıǵan. Sondaı-aq «Wanted», «He Is a Dragon», «Abraham Lincoln: Vampire Hunter», «Major Grom: The Game» jáne basqa da tanymal fılmderdiń túsirilimine qatysqan. Túsirilim 2026 jyly kóktemde bastalady, — delingen jazbada.

Eske salaıyq, buǵan deıin Djekı Chan «Qudiretti saýyt» fılmin tórtinshi bólimin Qazaqstanda jalǵastyratynyn habarlaǵan edik.