Djekı Chan balasy úshin basyn ıip, keshirim surady
ASTANA. QazAqparat - Álemge tanymal akter Djekı Chan uly Djessıdiń áreketi úshin barshadan keshirim surady, dep jazady Lenta.rý.
«Men balamdy tárbıeleıtindeı kúıde emespin, sol úshin de kinálimin. Jaýapkershiligin birge arqalaýym kerek. Djeısı ekeýimiz barlyǵyńyzdan keshirim suraımyz», - dedi Chan.
Onyń bul sózi Qytaıdyń áleýmettik jelilerinde shyqty.
Sonymen qatar, Djekı Chan balasy týraly jaǵymsyz jańalyqty estigende túsineı almaı dal bolǵanyn, al sheshesiniń júregi qars aıyrylǵanyn aıtty. «Balamnyń basyndaǵy bul jaǵdaı barlyq jastarǵa sabaq bolýy tıis», - deıdi akter.
Eske sala keteıik, Djekı Channyń 31 jastaǵy uly Djeısı Chan Beıjińde taıvandyq akter Kaı Ko ekeýi esirtkimen ustaldy. Onyń páterin teksergende taǵy da 100 gramm marıhýana tabylǵan. Endi olar 3 jylǵa deıin bas bostandyǵynan aıyrylýy múmkin.
