Djekı Chan Astanada qyz balanyń tusaýyn kesti
ASTANA. QazAqparat - Astanaǵa qonaqqa kelgen álemdik akter, kaskader, kınorejısser, kınoprodıýser ári stsenarıst Djekı Chan qyz balanyń tusaýyn kesti, dep habarlaıdy QazAqparat.
«Djekı Chan balalardyń tusaýyn kesti!», - dep jazdy vıdeony Instagram jelisine júktegen Videogram_kaz toby.
Qysqa beınetúsirilimde akter qazaq kıimin kıgen qyz balanyń aıaǵyna baılanǵan ala jipti kesip, onyń betinen súıedi. Sondaı-aq vıdeodan qazaq kóılegindegi taǵy bir qyz balanyń tusaýy kesilip jatqanyn kórýge bolady.
Eske salaıyq, tanymal akter Astanaǵa 7 maýsym kúni Qytaı kınofestıvaliniń ashylý saltanatyna qatysý úshin kelgen bolatyn . Ony qala ákimi Áset Isekeshev áýejaıdan kútip aldy.
Djekı Chan Qytaıdaǵy «Singer» baıqaýyna qatysqan qazaq ánshisi Dımash Qudaıbergendi qoldaǵan bolatyn . Óz kezeginde Dımash ony «úlken aǵam» dep jazǵan edi.
Djekı Chan kınofestıvaldiń ashylý saltanatyna arnalǵan baspasóz máslıhatynda Dımash keremet kıno akteri bola alatynyn aıtty. «Teledıdardan Dımashtyń keremet daýysyn estip, jas talanttyń ónerine tánti boldym. Keıin ol meniń fanatym ekenin bildim. Árıne, men ony kıno salasynda óte tamasha akter bolady dep oılaımyn», - dedi ol QazAqparat tilshisiniń suraǵyna jaýap bere kele.
Sondaı-aq akter Qazaqstanda fılm túsirýdi armandap júrgenin jáne osynda kýng-fý mektebin ashý nıeti týraly aıtty.
Djekı Chan kınofestıvaldiń ashylý rásiminde «Otan» ánin shyrqaǵannan keıin sahnaǵa Dımash Qudaıbergen shyǵyp , «Singer» baıqaýynda oryndaǵan qytaısha «Kúzgi muń» ánin aıtyp berdi.
Djekı Chan balalardyń tusaýyn kesti! #jackiechan ___________________________________________________OTPRAVLıAITE VIDEO V DIREKT! ......... #Shymkent #Aktaý #Atyraý #Aktobe #Taraz #Kokshetaý #Semeı #Karaganda #Oral #Taldykorgan #Almaty #videogram_kaz #Qyzylorda #iloveshymkent #Pavlodar #Astana #Óskemen #video #videooftheday #videogram #Jezqazǵan #DjekıChan #dears #Dimash #thesingerdimash #Astana #Expo #Ekspo #tusaýkesý
