Djekı Chan án saldy, jurt tamsandy
ASTANA. QazAqparat - Akter Djekı Chan Ońtústik Koreıanyń JJCC tobynyń menedjeri boldy, dep habarlaıdy Associated Press.
Onyń ujymdyq - tórt káris jáne bir qytaılyqtan turatyn debıýttik albomy aǵymdaǵy jyly 24 naýryzda jaryq kóredi. Djekı Chan jeke ózi jańa ujymǵa qatysýshylardy tyńdaýmen shuǵyldandy. Sondaı-aq albomnyń prodıýseri boldy jáne aldaǵy ýaqytta JJCC tobynan jetekshilik jasamaq. Jackie Chan Group South Korea kompanııasy ókiliniń aıtýynsha, bulardyń bolashaqta Chanmen birge kınoekrandarda kórinýleri de ǵajap emes.
Aıta keter jaıt, akter Djekı Chan 1984 jyldan beri ánshi retinde de jurtqa tanymal. Birneshe albomdary shyqty. Beıjiń Olımpıadasyna arnalǵan sońǵy dıskisi 2008 jyly qytaı tilinde jaryq kórdi. Sondaı-aq ol Beıjiń Olımpıadasynyń saltanatty jabylý rásiminde án salǵan bolatyn.
