Djek Nıkolson úıin 11 mıllıon dollarǵa satty
ASTANA. 25 naýryz. QazAqparat - Ataqty akter Djek Nıkolson Kolorado shtatynyń taý shańǵysy kýrortyndaǵy aýmaǵy 1,7 myń sharshy metrdi alyp jatqan úıin satty, dep habarlady "7 dneı.rý".
75 jastaǵy akter ony óziniń dosy, rejısser jáne prodıýser Lý Adlermen birge satyp alyǵan bolatyn. Bes jatyn bólmesi, jeti sanıtarlyq toraby bar jeke turǵan bul úıdi olar 15 mıllıon dollarǵa satpaqshy bolǵan edi, aqyrynda ol jańa qojaıynǵa 11 mıllıon dollarǵa ótty, dep habarlady reseılik "Jańalyqtar" agenttigi.
"Oskar" syılyǵynyń úsh márte ıegeri Nıkolson bul úıdi 1980 jyly Lý Adlermen birge satyp alǵan bolatyn. Ol Aspen taýynyń mańynda Ýest End degen eldi mekende ornalasqan. Bul jer AQSh-tyń tarıhı oryndary tizilimine engizilgen.
Djek Nıkolson týraly ǵumyrnamalyq kitap jazǵan Dennıs Makdaýeldiń aıtýynsha, olardyń buǵan deıin de Aspende úıi bolǵan. Biraq ol jerde telehabarlardy qabyldaý nashar bolyp, Nıkolson ózi jankúıer bolǵan "Los Andjeles Leıkers" basketbol komandasynyń oıyndaryn kóre almaıtyn bolǵasyn, dostar basqa úıdi satyp alýǵa májbúr bolǵan.
