Djek Ma koronavırýsqa qarsy ekpe jasap shyǵarýǵa $14 mln bóldi

BEIJІŃ. QazAqparat - Alibaba Group negizin qalaýshy Djek Ma jańa koronavırýs ınfektsııasyna qarsy ekpe jasap shyǵarý úshin 100 mln ıýan (14 mln dollar) bóldi, dep habarlaıdy QazAqparat.

Qarajat Qytaı ınjenerlik ǵylymdar akademııasy men Qytaı ǵylym akademııasyna, sheteldik ǵylymı-zertteý mekemelerine berilgen. Alibaba Group «mı ortalyqtaryna» koronavırýsqa qarsy ekpe ázirleý boıynsha zertteý úshin óziniń esepteý qýatyn tegin beredi.

Sondaı-aq, iri qytaılyq kompanııalar, atap aıtqanda Huawei telekommýnıkatsııalyq jabdyqtar men smartfon óndirýshisi, Tencent elektrondyq saýda kompanııasy, TikTok (ByteDance) ıesi de qaıyrymdylyqpen aınalysyp jatyr.

Qytaı qarjy mınıstrliginiń málimetinshe, qarjy organdary koronavırýspen kúresýge 3,9 mlrd dollar bólgen.

30 qańtardaǵy jaǵdaı boıynsha, Qytaıda 7711 adam jańa vırýs juqtyrsa, 170 adam kóz jumdy. 124 adam emdelip shyqqan.