Djeff Bezostyń baılyǵy 212 mlrd dollardan asty
NUR-SULTAN. QazAqparat - Amazon kompanııasynyń negizin qalaýshy Djeff Bezostyń baılyǵy 10,6 mıllıard dollarǵa ósti, dep habarlaıdy QazAqparat Forbes jýrnalyna silteme jasap.
Amazon aktsııalarynyń ósýine baılanysty Bezostyń baılyǵy 10,6 mıllıard dollarǵa ósip, qazir 212,4 mıllıard dollarǵa baǵalanyp otyr.
Aktsııalar AQSh qorǵanys mınıstrligi Microsoft korporatsııasymen 10 mıllıard dollarlyq bultty servıstik kelisimsharttan bas tartty degen aqparattyń aıasynda jınaldy. Amazon ókilderi sotta bul kelisimshartqa qarsy boldy.
Bezos Amazon-dy 1994 jyly qurǵan jáne saıtty onlaın kitap dúkeninen búkil álem boıynsha taýarlar tasymaldaıtyn eń iri ınternet-satýshyǵa aınaldyrdy. Ótken jyldyń basynda Bezostyń basshylyǵymen Amazon-dyń naryqtyq kapıtaldaýy 1 trln dollardan asty.
Bezos 2017 jyldan bastap Bloomberg-tiń álemdegi eń baı adamdar tiziminde birinshi orynǵa shyqqan bolatyn. Biraq 2021 jyldyń 7 qańtarynda ony Tesla bas dırektory jáne SpaceX negizin qalaýshy Ilon Mask 1,5 mıllıard dollarmen basyp ozdy.
Al aqpan aıynda Amazon negizin qalaýshy álemdegi eń baı adamdar reıtınginde birinshi ornyn qalpyna keltirdi, óıtkeni Masktyń baılyǵy 4,58 mıllıard dollarǵa tómendep, 190 mıllıard dollardy quraǵan edi, bul kezde Bezostyń baılyǵy 191 mıllıard dollarǵa jetti.
